Vorsicht Mundart !

In

Sachen ' TRANSI '

Ja, liebe Nachbarn und ausländische Preißn, gel da schaukts wieder. Jawoll, weil wenn mir jetzt ganz schlau san, kriang ma den Transrapit nach Minga. Mir san scho Hund mir Bayern und vor allm die Mingerer. Der OB Vogel hat uns jascho die Olympiade bracht und der Ude werds do no schaffe, daß mir den Rapid griang, oder? Unser Landesvater hat a scho Ja gsagt und des hoast scho was. Isser do von die Andern, naja von die Schwarzn holt. Aber jeza geht de Gaudi scho wieder o. Der Oahne mecht über Pasing, ja Allmächtiger, was macht ma denn in Pasing? Is währ billiger, monans. Wos hoast da billiger. Der Rapid hät früher unserm Kini no früer ins Wasser driem. So vui Schlösser hät der ja nie nicht baun kenna, als was des Ding, der Transi scho kost hat. Gell Herr Bundesfinanzminister. Und no oans, warum solt der jetzt am Hauptbahnhof einfach aufhern. San jetzt die gansen Fremden, die zur Messe wolln, nix? San die net sche gnuag für paar Herrn von die Oberschtn, ha? Ja ja, i hers scho. Streckn wär zu deier. Ja monan denn die das der Adler a Geschäft war. Sie wissn scho was i moan. Der von Fürth nach Nürnberg. Danoch scho, aber erscht net. Und wenn die Den net baut hättn, hätmer vieleicht heit noch koa Eisenbahn. Ja ja, da schaugts wieder mit eire Schweinseigerl. I sog eich wos, des Verdrußbahnerl fahrt doch a zum Ostbahnhof und dann zur Messn. Geht des mit dem Rapid net ? Do frog i mi, wie die Siemensler in ihre Arbeit kumma. Und, der Rapid muß ja um de Stadt rum net so sausen, wiers sonnst alwei macht. De Fremden wolln doch was seng vom schena Minga. Und allweil is ja a koa Mess. Da kanner do no am Hauptbahnhof steh bleim, oder? I verstehs ja weheso net warum erscht jetzt. I hab Den Anfang der sechzger scho bei die Preißn laffa seng und jezta kommes drauf, das Der net schlecht is. Ja sats denn jetzt alle narrisch? Langtz zua und des schnell. Die Preißen san auf omal munter worn und wenn ihr eich lang streits schaung mer mibm Ofenrohr, na net ins Gebirg, zu die Preißen nauf. Woer dann fahrt, der schene TRANSrapit

Schwierig, oder? Ich schicke Ihnen gern eine Übersetzung zu, falls notwendig......h.g.g....01.11.00

In diesem Sinne liebe Nachbarn. Bis zum nächsten Mal, herzlichst ihr tomtom.

Die INTER - POST © by h.g. glase